Transcription
1
Messieurs, nous avons receuz les advertissemans
2
tant de monsieur de La Cardonière, que des consulz
3
du Pont de Royans, en mesme heure six à sept de jour
4
sur le soyr ; sera voz bons playsirs nous impartir
5
les commandemans quil vous plerra que exequterons
6
de tout notre povoyr. Je pancoys que monsieur le baron du
7
Pont fut sur le lyeu, labsence du quel poura
8
porter grand preiudice en tout ce pays de Royans ;
9
et par consequent approuchant la ryvière, ilz se
10
pouroient saysir des bateaus qui sont encor sur
11
le port de Armyeu ; et come je croys que le sieur
12
de La Motte, commis au gouvernemant de ceste ville,
13
vous advertit daultre lettre quil a receu pour respect
14
de Sr Nazère et La Saulve qui mectroent ce pays
15
en grand confuzion, mesme ceste ville quest fort
16
menassée, causant la justice que y fut faicte
17
dernièremant et comme nous sommes assés foibles
18
pour lepetit nombre des catholiques que nous
19
sommes et pluralité des pertinax ne ayant
20
aulchune ayde que dudit sieur de La Motte et dung
21
sergent, nous ne pourions fère guyères grande
22
resistance à si peu de force ; sil nest quil soyt
23
vos bons playsirs nous y voloyr servir et exciter
24
monseigneur de Gordes nous en donner les moyens,
25
aultremant serons contrainctz de quicter tout et si
26
seroyt bon que monsieur le vibaly adsistat icy qui est
27
des long tamps à Romans et seroit bon de obvyer
28
à tel inconvenient que mondit seigneur fut quant il
29
demeurat 7 sepmeynes à Chaste. Je ne feray plus
30
long discours, sinon pour prier Dieu
31
messegneurs, vous donner sa grace et prosperes vies.
32
De St Marcellin, ce 25 may 1573
33
Votre humble et obeyssant
34
serviteur Guilhaume Gilbert